Izraeli kishte mundësinë të eliminonte liderin e Hamasit, Yahya Sinwar, por vendosi të mos e çojë deri në fund operacionin për shkak të frikës se mos dëmtonte pengjet e mbajtura nga grupi terrorist, thuhet në një raport të publikuar së fundmi.

Izraeli mori një informacion që ofronte një mundësi unike për të vrarë Sinwar, por u vendos që një operacion i tillë ishte shumë i rrezikshëm, pasi pengjet mbaheshin në të njëjtën zonë me liderin e grupit terrorist.

Sinwar, i cili mori rolin nga ish-lideri politik i Hamasit, Ismail Haniyeh, pas vrasjes së Haniyeh në Teheran, dyshohet se është fshehur në tunele nën Gaza.

Sipas një raportimi nga N12, Sinwar e kishte rrethuar veten me pengjet, duke i përdorur ata si mburoja që Izraeli të mos e dëmtonte.

605230
605230

Sipas një raporti të së shtunës nga kanali televiziv shtetëror saudit Al Arabiya, Yahya Sinwar u zhvendos në Rripin e Gazës pasi mësoi për sulmin ajror izraelit që vrau Sekretarin e Përgjithshëm të Hezbollahut, Hassan Nasrallah.

Ky raport erdhi pavarësisht debateve gjatë javës së kaluar në lidhje me vdekjen e mundshme të Sinwar. IDF deklaroi të dielën e kaluar se nuk mund të konfirmonte dhe as mohonte raportet për vdekjen e mundshme të Sinwar.

Ndërkohë, Shin Bet (Agjencia e Sigurisë së Izraelit) e kundërshtoi këtë teori, duke besuar se Sinwar është ende gjallë.

Më herët të dielën, zëdhënësi i IDF publikoi një foto nga një takim për vlerësimin e situatës pas sulmit ndaj Huthëve të Jemenit. Fotoja përshkruante një diagram të udhëheqjes së Hamasit, me një pikëpyetje mbi emrin e Sinwar, që tregonte se IDF ishte e pasigurt për vendndodhjen ose statusin e tij.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: