I gjithë qarku i Dibrës është totalisht i paralizuar, ku më problem paraqitet Rruga e Arbrit. Gazetari Enver Doçi ën me dije për BalkanWeb se qytetarët na kanë telefonuar nga Qafë Murriza, ku janë rreth 300 persona të bllokuar në automjete. Mes tyre ka fëmijë dhe të moshuar.

Nga Maqellara në Peshkopi, prej tre orësh është e bllokuar, ndërsa rrugët rurale janë të gjitha të bllokuara. Gazetari bën me dije se është nisur një borëpastruese nga Tirana në drejtim të vendit ku janë bllokuar 300 persona. Por për shkak se rruga është bllokuar nga makinat e ndaluara, fadroma është kthyer sërish pas. Një problem ky tepër shqetësues.

“Nga krahu i Matit, deri në qafën e Buallit, ka makina që kanë dalë nga rruga, dhe ka familjarë dhe drejtues mjetesh që bëjnë apel për ndihmë. Më problem, nga Maqellara-Peshkopi, është bllokuara rruga. Edhe nga Peshkopia-Kukës është i bllokuar. Shtabi i emergjencave janë mbledhje të jashtëzakonshme dhe po merren masa. Ka edhe mungesë të energjisë elektrike”, raporton gazetari.