Më shumë se një vit pasi Hamasi dhe grupet e tjera të armatosura nisën sulmin e tyre ndaj Izraelit, Shirel Golan u bë viktima e tyre e fundit. Ajo vdiq pasi ka kryer vetëvrasje të dielën, ditën kur mbushi 22 vjeç, pas një ‘lufte’ njëvjeçare me depresionin dhe çrregullimin e stresit post-traumatik (PTSD).

Vëllai i Shirelit, Eyal Golan tha për CNN se problemet e saj shëndetësore filluan menjëherë pas sulmit të 7 tetorit. Ajo po merrte pjesë në Festivalin e Muzikës Nova pranë kufirit me Gazën kur, Hamasi udhëhoqi ‘tërbimin’ e tij vdekjeprurës në Izraelin jugor.

Dikur një grua e lumtur që nuk nguronte të shkonte me makinë për një orë për të vizituar familjen e saj kur ata kishin nevojë për ndihmë, Shirel u qetësua, duke u zhdukur ngadalë pasi i mbijetoi masakrës.

“Ajo nuk doli nga shtëpia. Ajo nuk erdhi për të na vizituar, ajo ishte e tërhequr”, tha vëllai.

Duke folur për CNN pas funeralit të Shirelit të hënën, Eyal tha se familja e Shirelit ishte shqetësuar për shëndetin e saj dhe u përpoq ta vëzhgonte sa më shumë që të mundej. Ajo rrallë lihej e vetme, tha ai.

Por ndërsa familja u mblodh për të festuar ditëlindjen e saj, Shirel u largua pa e vënë re askush, sipas Eyal. Në kohën kur i dashuri e gjeti në fund të kopshtit, ajo ishte zhdukur.

Me zemrën e thyer dhe e mbingarkuar nga faji dhe zemërimi, Eyal tha se fajëson autoritetet shëndetësore për disa nga problemet e Shirelit. Ai tha se askush nuk iu afrua për ndihmë kurrë asaj apo familjes. Në vend të kësaj, tha ai, autoritetet ofruan ndihmë vetëm për ata që e kërkuan atë në mënyrë aktive./CNN/