TIRANË
Pas deklaratës së kryeministrit, Edi Rama, i cili tha se në vjeshtë do të dërgojë në Kuvend një ligj të ri për mbrojtjen dhe administrimin e vijës bregdetare nga shteti, vjen një reagim nga ish-Presidenti i Republikës, Bujar Nishani.
Me një shënim në “Facebook”, Bujar Nishani shkruan se deklarata e bërë sot nga kryeministri, Edi Rama është një propagandë e shpifur, që në vetëvete synon mashtrimin e shqiptarëve dhe grabitjen e pronës më me vlerë të vendit, atë të bregdetit.
Reagimi i Bujar Nishanit:
“Deklaratat e Edi Ramës për administrimin e vijës bregdetare një propagandë e shpifur në interes të një kurthi të ri për ti mashtruar shqiptarët dhe për të grabitur pronën më me vlerë të vendit, Bregun e Detit.
Vija bregdetare, Velipoja, Durrësi, Vlora, Saranda kanë 20 vite që janë nën kontrollin e plotë të Edi Ramës dhe partisë së tij.
Tani, ky kërkon t’ju mbushë mendjen shqiptarëve se do të “vendosë kontrollin e tij mbi abuzimin” !!!!
Mashtrim i paskrupullt në interes të hajdutërisë !
Rregjimi mafioz po pregatitet që me parlamentin monist ta grabisë me gjoja ligj pasurinë e bregut e t’ja fal atë oligarkëve që blejnë votat për rregjimin kusar.
Shqiptarët ti ndalojnë sa më parë kusarët e gjithshkaje”- shkruan Ish-Presidenti, Bujar Nishani.
