Inter i’a del ta mbyllë në mënyrën më të mire të mundshme vitin 2024, kjo pas fitores 0-3 në Sardenjë, ndaj Kaljarit. Skuadra e Simone Inzaghit e mbylli vitin në kuotën e 40 pikëve, 1 më pak se Atalanta e vendit të pare, por me një ndeshje për të rekuperuar. Megjithatë ky ishte padyshim viti I zikaltërve, të cilët fituar gjatë këtij viti titullin e 20 në histori, si dhe arritën të ishin skuadra që grumbulloi numrin më të lartë të fitoreve dhe rrjedhimisht edhe të pikëve në këtë vit kalendarik.

Ndeshja ndaj Cagliarit nuk pati histori, kjo pasi Inter arriti të ishte dominues ndaj vendasve, pavarësisht se pjesa e pare u mbyll pa gola. Tekniku i vendasve Davide Nicola preferoi nga minuta e parë Scuffet në portë, në vend të Alen Sherrit, I kritikuar pas humbjes së fundit ndaj Venezias.

Megjithatë asgjë nuk ndryshoi për sardët, që i’u nënshtruan supremacisë së kundërshtarit në pjesën e dytë. Ishi I kësaj sfide Nicolo Barella zgjedh të bëjë “assist man”, fillimisht në minutën e 53, kur kroson për Bastonin, i cili me kokë devijon saktë topin dhe më pas në të 71 minutë gjen bukur në zone tërësisht të lirë Lautaro Martinezin. Kapiteni zikaltër arrin të zhbllokohet më në fund duke gjetur golin. Për here të fundit sulmuesi argjentinas kishte realizuar në 3 Nëntor, ku në San Siro, Interi mposhte Venezian 1-0.

Në fund, kohë për të festuar kishte edhe për turkun Çalhanoglu, i cili shndërron në gol një penallti të fituar për të fiksuar shifrat përfudimtare në 0-3. Ai I la vendin më pas mesfushorit të kombëtares tone, Kristjan Asllani, I cili u aktiviuza për 13 minuta lojë. Fitorja e 6 radhazi në kampionat për të besuarit e Simone Inzaghit, që e mbyllin vitin në mënyrën e duhur, si për t’u treguar të gjithëve se janë ata kampionët në fuqi e skuadra për t’u mundur.

“Inter çfarë force” dhe “Inter i frikshëm” janë edhe titujt kryesorë të gazetave prestigjoze italiane, që ngrejnë në piedestal sukseset e njëpasnjëshme të zikaltërve këtë vit.