Rreth 12 sirianë, pesë prej të cilëve fëmijë, kanë humbur jetën pas mbytjes së një anijeje migrantësh në brigjet e Turqisë, njoftoi media turke.

Gomonja u mbyt në Detin Egje në brigjet e distriktit të Kusadasit, në veriperëndim të Turqisë, ndërkohë që ishte nisur drejt ishullit grek të Samos.

Trupat e 12 personave, pesë prej të cilëve fëmijë dhe dy gra u gjetën, shtatë të tjerë u shpëtuan dhe tre rezultojnë ende të zhdukur, sipas agjencisë turke të lajmeve “Dogan”.

“Gomonja po transportonte 22 migrantë sirianë dhe dy kontrabandistët e dyshuar turq kanë arritur të dalin në breg para se të arrestoheshin”, sipas të njëjtit burim.

Rojat bregdetare turke kanë nisur një operacion shpëtimi në përpjekje për të gjetur trupat e personave të zhdukur.

Një pakt migrator u arrit një vit më parë mes Bashkimit Evropian dhe Turqisë për të ndaluar mbërritjen e përditshme të mijëra migrantëve në ishujt grekë nëpërmjet Detit Egje.

(el.sp/BalkanWeb)