Dieta ushqimore dhe stërvitja rregullisht mund të jenë më efikase se ilaçet për mbajtjen nën kontroll të diabetit të tipit 2, sugjeron një studim i ri. Pacientët që bëhen pjesë e programeve për rënien në peshë kanë më pak nevojë për ilaçe dhe priren të kenë nivele më normale të sheqerit në gjak, ka zbuluar studimi i ri, shkruan “shëndeti”.

Hulumtuesit shkencorë nga Universiteti Glasgow në Skoci monitoruan 1500 pacientë që vuanin nga diabeti i tipit 2, të cilët merrnin mësime për mënyrën e jetesës nga Shërbimi Kombëtar i Shëndetit, krahasuar me pacientët që nuk ishin pjesë e këtyre kurseve. Ata iu nënshtruan gjithashtu aktiviteteve të tjera fizike për të rënë në peshë.

Autorja kryesore e studimit, dr. Jennifer Logue, nga Universiteti Glasgow, tregon: “Ky është studimi i parë real në botë që tregon se programet e menaxhimit të mënyrës së jetesës dhe peshës mund të kenë një efekt afatgjatë të dobishëm.

Një studim tjetër i publikuar muajin e kaluar zbuloi se një dietë 3-mujore e pasur me supëra dhe lëngje nuk ndihmon vetëm në mbajtjen nën kontroll të diabetit të tipit 2, por edhe në trajtimin e tij.

Ndërsa studimi i fundit, i publikuar tek revista “Diabeti, Obeziteti dhe Metabolizmi”, tregon se një dietë më e arritshme mund të kontrollojë të paktën diabetin, shpesh edhe më mirë se ilaçet.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: