TIRANË

“Shfrytëzim qeveritar i fëmijëve, shkelje e të drejtave par arsimim”. Kështu i cilëson ish-deputetja demokrate dhe kryetarja e Lidhjes Demokrate të Gruas Albana Vokshi provat e nxënësve të disa shkollave në Tiranë për të performuar në ceremoninë e përurimit të stadiumit “Air Albania”.

Në një postim në “Facebook”, Vokshi publikon foto e video nga provat e fëmijëve, teksa shkruan më keq se në Kinë. Ajo thotë se pamjet janë xhiruar në orën 9 të mëngjesit 3-4 ditë më parë dhe fëmijët në vend se të shkojnë në shkollë mësohen të kërcejnë për të mbushur propagandën e Edi Ramës dhe këtë pa i pyetur njeri, nëse është shi apo diell. Vokshi ngarkon me përgjegjësi edhe mësuesit.

POSTIMI I PLOTË
Më keq se në Kinë…
Qindra fëmijë nga disa shkolla të Tiranës, Dëshmorët e Lirisë, Emin Duraku, Edith Durham, Vasil Shanto, Shkolla Baletit nuk bëjnë mësim prej dy muajsh. Ata janë të detyruar të marrin pjesë në provat e ceremonisë së përurimit të projektit korruptiv të familjes kryeministrore, stadiumit me kullë.
Pamjet në video janë xhiruar 3-4 ditë më parë, në orën 9 të mëngjesit. Në vend që të shkojnë në shkollë për të mësuar historinë, gjeografinë, gjuhën shqipe, fizikën apo kiminë, fëmijët mësohen të kërcejnë për të mbushur propagandën e Edi Ramës me spektakël rinor.
Fëmijët detyrohen ta bëjnë këtë që prej tetorit, pa i pyetur njeri, nëse është shi apo është diell, nëse është ngrohtë apo është ftohtë.
Është për t’u shqetësuar që mësuesit nuk kanë bërë asnjë ankesë për këtë shfrytëzim qeveritar të fëmijëve, duke lejuar shkeljen e të drejtave të fëmijëve për arsimim.
Këto video e foto të shfrytëzimit të fëmijëve si në spektaklet kineze komuniste është një arsye më shumë për t’i dhënë fund kësaj qeverie, që u mbyll gojën mësuesve me një kërcënim për largim nga puna dhe që vendos sistemin e arsimit në shërbimin e propagandës për të mbuluar vjedhjen dhe korrupsionin qeveritar.
#StopShfrytëzimitTëFëmijëve

Vokshi Ok
Vokshi Ok

(m.k/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb