Supermodelja Kate Moss ka rrëfyer ngjarjen rrëqethëse se si ka shpëtuar nga një fotograf ndërsa ishe vetëm 15-vjeçe.

“Ai më kërkoi që të hiqja bluzën dhe unë e bëra. Në atë kohë isha e ndrojtur në lidhje me trupin tim, ndërkohë që ai më kërkoi të hiqja recipetat. Mund ta ndjeja se diçka nuk shkonte. Mora gjërat e mia dhe ika me shpejtësi”, tha Moss teksa kujtonte xhirimet shqetësuese të katalogut të të brendshmeve 33 vjet më parë.

48-vjeçarja tregoi gjithashtu se kishte kujtime të këqija edhe nga një punë e mëvonshme, kur pozoi topless në vitin 1992 me aktorin Mark Wahlberg në një xhirim të të brendshmeve për Calvin Klein.

Ajo ka rrëfyer se ndihej e sikletosur dhe e frikësuar para nisjes së xhirimeve, ndaj edhe i është përshkruar Valium.

Kate tani është një agjente modelesh, ndërsa kliente të saj ka edhe vajzën e saj Lila, 19 vjeç.

“I kam thënë asaj se nuk duhet të bësh asgjë që nuk dëshiron.Unë kujdesem për modelet e mia. Sigurohem që ata janë me agjentë në xhirime, kështu që do të jetë dikush në set që mund të thotë se diçka nuk është e përshtatshme”, tha ajo.

Supermodelja tha se ajo ishte bërë “kokë turku” në vitet 1990, kur u akuzua për glorifikim të linjave të saj të dobëta pasi u shfaqën fotot e saj me të brendshme.

“Unë kurrë nuk kam qenë anoreksike, nuk kam qenë kurrë. Nuk kisha marrë kurrë heroinë. Isha e dobët sepse nuk ushqehesha në xhirime apo shfaqje dhe gjithmonë kisha qenë e dobët. Ishte një xhirim mode”, shpjegoi ajo.

Ajo ka folur edhe mbi një foto të saj duke marrë kokainë në një studio me të dashurin e atëhershëm Pete Doherty.

“U ndjeva keq dhe isha mjaft i zemëruar. Të gjithë ata që njihja merrnin drogë, të fokusoheshin tek unë dhe të përpiqeshin të më hiqnin kujdestarinë e vajzës, mendoj se ishte vërtet hipokrite”, tha ajo.

Në lidhje me mbrojtjen që i bëri në gjyq ishit të saj Johnny Depp, 59 vjeç, në gjyqin e tij të fundit për shpifje kundër ish-gruas së tij, Moss tha se duhej të thoshte të vërtetën.

(BalkanWeb)