Policia e kryeqytetit ka ndaluar sot një 24-vjeçar që jo vetëm lëvizte me shpejtësi të madhe, por u gjet pa patentë dhe rrip sigurimi teksa u dhëtonte në aksin rrugor “Kopshti Botanik – Rrethrrotullimi i TEG-ut”. Gjatë ndjekjes mësohet si i riu ka braktisur mjetin, por është neutralizuar më vonë. Policia ka zbuluar gjithashtu se i riu ishte një person i dënuar me “arrest shtëpie”.
NJOFTIMI I PLOTË
Njësia Operacionale e Sigurisë Rrugore pas sinjalizimit nga qytetarët, në aksin rrugor “Kopshti Botanik – Rrethrrotullimi i TEG-ut” ka konstatuar një drejtues mjeti, i cili po qarkullonte në mënyrë jonormale dhe nuk kishte vendosur rripin e sigurimit.
Shenjës së patrullës për të ndaluar, drejtuesi nuk i është bindur dhe patrulla është vënë në ndjekje të tij. Në mes të ndjekjes drejtuesi e ka braktisur mjetin, por është kapur nga punonjësit e Njësisë Operacionale në tentativë për t’u larguar.
Drejtuesi i mjetit shtetasi D. Sh., rezultoi i papajisur me leje drejtimi, pa vendosur rripin e sigurimit, si dhe nga verifikimet e mëtejshme rezultoi se për këtë drejtues mjeti, Gjykata e Rrethit Gjyqësor Tiranë, kishte vendosur masën e sigurisë “Arrest në shtëpi” për veprën penale të “Kanosjes me armë”.
(m.a/BalkanWeb)
