E ardhmja e talentit të Ajax, Matthijs de Ligt po shkon gjithnjë e më shumë drejt zgjidhjes. Të premten, gazeta holandeze ‘De Telegraaf’ raportoi se e dashura e lojtarit, Anne Kee Molenaar, së bashku me nënën e saj po vizitonin Parisin në kërkim të një shtëpie të përshtatshme për të jetuar kur të konfirmohet nënshkrimi i 19 vjeçarit.
Paris Saint-Germain duket se është më i vendosur tani në garë për mbrojtësin qendror 19-vjeçar, i cili gjithashtu është duke u ndjekur nga Juventusi dhe Barcelona. Në fakt, deri vonë, kampionët spanjollë ishin të vendosur për të nënshkruar me lojtarin, përpara se PSG t’i bashkohej garës. 12 milionë eurot e ofruara nga PSG, krahasuar me gjashtë të ofruara nga Barcelona dhe dhjetë nga Juventusi, duket se e kanë kthyer bindur lojtarin.
Gazeta gjithashtu deklaroi se agjenti i tij Mino Raiola, ka folur drejtpërdrejt me drejtorin e PSG-së, Antero Henrique.
De Ligt do të ishte një përforcim i dobishëm për mbrojtjen e PSG, duke shtuar Thiago Silva, Kimpembe, Kehrer dhe Marquinhos, të cilët Thomas Tuchel i ka përdorur edhe si mesfushor.
Kapiteni i Ajax luajti 55 ndeshje gjatë një sezoni të pabesueshëm, duke shënuar shtatë gola duke e udhëhequr ekipin e tij drejt fitores së titullit dhe drejt gjysmëfinales së Champions League.
(n.b/BalkanWeb)