Një ndër faktorët më shkatërrues është konsumimi i tepërt i yndyrnave shtazore dhe depozitimi i sasisë së tepërt të proteinave në mëlçi, gjë që është rasti më i madh te adhuruesit e mishit dhe ushqimit të pashëndetshëm, por edhe te sportistët profesionistë

Në qoftë se mëlçia e yndyrshme injorohet dhe vazhdohet me mënyrën e vjetër të jetës dhe ushqimit, pashmangshëm do të arrihet deri te cirroza, sëmundje e rëndë kronike e mëlçisë, e cila në fund mund të rezultojë me humbjen e plotë të funksionimit të mëlçisë.

Si shërohet mëlçia e yndyrshme?
Faktori më i rëndësishëm në shërimin e mëlçisë së yndyrshme gjithsesi është ushqimi, i cili nënkupton nivel të ulët yndyrne dhe kufizim të konsumimit të artikujve të cilët potencialisht mund ta dëmtojnë mëlçinë.

Si e dëmton ushqimi mëlçinë?
Ushqimi që hamë, hyn në stomak dhe pastaj në zorrë. Në zorrë zbërthehet, tretet dhe absorbohet në gjak. Pastaj nëpërmjet qarkullimit të gjakut barten nutrientët, të cilët nëpërmjet enëve të gjakut arrijnë edhe deri te mëlçia.

Teprica e yndyrnave me prejardhje shtazore e marrë nëpërmjet ushqimit të rëndë gjithashtu arrin deri në mëlçi, e cila është filtër i llojit të vet në organizëm. Kur ka tepër yndyrna të tilla, mëlçia nuk ka zgjedhje tjetër dhe yndyrnat i absorbon në vete.

Qelizat e mëlçisë gjithashtu me kalimin e kohës shkatërrohen, ndërkaq mëlçia humb fuqinë dhe mundësinë që të neutralizojë yndyrnat e shumta, kolesterina fillon lirshëm të qarkullojë nëpër gjak, duke u shtresuar në organe të tjera vitale dhe inde.

Yndyrnat e depozituara dhe shtresat e kolesterinës në enët e gjakut dhe në kapilarë më tej çojnë deri në zhvillimin e sklerozës vaskulare (arteroskleroza), ndërkaq në të ardhmen mund të jetë shkak i sulmit në tru, si edhe i sëmundjeve koronare të zemrës.

Shtresat e kolesterinës dhe yndyrnat shkatërrojnë edhe pankreasin, gjë që mund të çojë deri te zhvillimi i diabetit.

Si të pengohet apo të zgjidhet ku problem?
Nga ushqimi do të duhej të eliminohen trans-yndyrnat dhe të kufizohet përgjithësisht marrja e yndyrnave. Për menynë e hollësishme më së miri është të konsultoheni me mjekun.
Për çdo rast, duhet ngrënë sa më shumë artikuj të cilët konsiderohen melhelm për mëlçinë – artiçoka, kungujt, sallatat të gjelbra, hirrë, karota, panxhar të kuq, lakra… /Telegrafi/