Kryeministrja italiane, Giorgia Meloni ka shprehur acarimin e saj për një ndalim të përkohshëm që parandalon kandidaten franceze të ekstremit të djathtë Marine Le Pen, e cila është dënuar për përvetësim, të kandidojë për postin.
Meloni i tha gazetës ”Il Messaggero” në komentet e botuara të martën se ajo nuk ishte në dijeni të akuzave kundër Le Pen dhe as arsyet e “një vendimi kaq të ashpër”.
“Por, unë nuk besoj se kushdo që vlerëson demokracinë mund të jetë i kënaqur me një vendim që prek liderin e një partie të madhe dhe u mohon miliona qytetarëve përfaqësimin e tyre”, theksoi Meloni.
Politikania nacionalista Le Pen u shpall fajtor të hënën për përvetësim të fondeve publike. Një pjesë e dënimit është një ndalim pesëvjeçar nga kërkimi i posteve publike.
Gjykatësi e dënoi Le Pen me katër vjet burg, dy prej tyre të pezulluar dhe dy të tjerët me një etiketë elektronike dhe jo me paraburgim. Le Pen iu dha gjithashtu një gjobë prej 100 000 eurosh.
(BalkanWeb)
