I lumtur për fitoren dhe shpëtimin, por i paqartë për të ardhmen. Trajneri i Tiranës, Ardian Mema ka folur për “Supersport” menjëherë pas fitores 3-0 kundër Flamurtarit në sfidën e fundit të Superligës, duke lënë të hapur çdo mundësi në lidhje me të ardhmen e tij në pankinë.
SHPETIMI
“Pjesa e parë ka qenë me një ngarkesë psikologjike ekipi. Pjesa e dytë, me golin, u lirua disi skuadra. Vlora na vuri edhe në vështirësi, në pjesën e parë. Pastaj, kuptohet, ne kemi kaluar një stres të madh. Stres ishte dhe ndeshja në Laç. Dua të falënderoj çunat, sidomos tani në finish, kanë bërë ndeshje të mira. Shpresoj që ndeshjen e ardhshme, të jemi më të qetë psikologjikisht, dhe të shprehemi si duhet. Shpresojmë të fitojmë Kupën”.

NDESHJA
“Më pëlqyen golat, ishin të bukur dhe i shijova. Doja që Hasani të dilte golashënues i kampionatit. Luan sulmues i dytë, dhe për kontributin që ka dhënë e meritonte këtë trofe individual”.
FINALJA E KUPES
“Kur je në stres, është e vështirë të përgatisësh ndeshjen. Duhet të punosh psikologjikisht, t’i motivosh, më shumë se të shpjegosh manovra. Ekipi erdhi duke e rritur lojën. Ndeshja me Kukësin, do jetë më e lehtë për ta përgatitur. Tani shkojmë edhe të qetë drejt finales. Do bëjmë maksimumin për ta fituar atë Kupë”.

SKUADRA
“Çdo gjë do kohën e vet. Tirana ka ardhur duke e rritur lojën. Ka pasur oshilacione, por e kemi rritur lojën. Një trajner, që të mirëformohet, duhet të ketë karakterin sportiv. E mbani mend Tiranën si pësonte gola, një kundërshtar vetëm ne na kthente ndeshjes. Prandaj e thashë, që duhet kohë për të arritur këto rezultate, dhe këtë mënyrë loje”.
TE VERTETAT
“Të vërteta, i them gjërave që janë të dukshme, siç i shikoni ju dhe unë bashkë. Dua të jem një njeri me një standard. Gjërat duhen thënë siç janë, dhe jua kam premtuar që do ju them gjithçka”.