Merkato e dimrit u mbyll këtë të enjte, koha për bilance por dhe për një rekord unik. Në një kohë kur të gjithë u përfshinë nga “ethet” e merkatos, një skuadër në Premier League, Tottenham Hotspur, nuk realizojë asnjë blerje. Kjo tingëllon e çuditshme në një kohë kur janë në vendin e tretë në kampionat, në 1/8 e Champions League dhe duhet të bëjnë pa shërbimet e Kane dhe Dele Alli, dy lojtarët më të rëndësishëm.
Me “heshtjen” e tyre në merkato, Tottenham ka vendosur një rekord të veçantë pasi është e vetmja skuadër britanike e cila nuk ka realizuar asnjë blerje brenda 365 ditëve, një vit i plotë pas asnjë blerje është pa diskutim një rekord unik, duke parë dhe kushtet se si zhvillohet futbolli sot.
Ky detaj ka “çmendur” tifozët ndërsa trajnerit Mauricio Pochettino nuk i mbetet gjë tjetër vetëm të bëj ironi me kundërshtarët: “Liverpool ka nevojë për një qendërmbrojtës, blen Dijk. Kanë nevojë për një portier, kush është më i miri? Alisson. Të njëjtën gjë bën dhe Man.City”, u shpreh trajneri argjentinas.
(BalkanWeb)
