Një e moshuar dyshohet se i ka vënë flakën banesës së saj në Pogradec.

Gazetarja Lorena Kodra raporton për Balkanweb se ngjarja ka ndodhur pak më pare, ndërsa ashtu sikurse raporton policia, nga zjarri janë regjistruar dëme të shumta materiale.

Kanë qënë fqinjët në pallat ata që kanë sinjalizuar policinë dhe zjarrfikësen. Menjëherë pas ndërhyrjes flakët janë izoluar, ndërsa e moshuara sipas policisë ndodhet në gjëndje të mirë shëndetësore.

77-vjecarja jeton e vetme në një hyrje pallati në afërsi të shkollës 9 vjeçare M.E.Minarolli.

Burime nga policia thonë se e moshuara vuan nga probleme të shëndetit mendor.

Ndërkohë policia po punon për sqarimin e rrethanave të ngjarjes.

(Balkanweb)