Aksidentet rrugore vazhdojnë të shkaktojnë numrin më të madh të vdekjeve aksidentale në Shqipëri e Kosovë. Vetëm në dy javët e fundit, në Kosovë shtatë persona kanë mbetur të vdekur si pasojë e lëndimeve që kanë marrë nga aksidentet rrugore.


Shkaktarët e këtyre aksidenteve me fatalitet janë të ndryshme, si pakujdesia, shpejtësia e madhe, mos përshtatja e shpejtësisë me kushtet atmosferike e të tjera.


E në vazhdën e thirrjeve të shumta që po i bën policia dhe autoritetet e tjera kompetente, një qytetar nga Kosova ka vënë në pjesën e pasme të veturës një mesazh që ka tërhequr vëmendjen e opinionit.


Ky mesazh është shpërndarë nga shumë qytetarë në profilet e tyre private, duke u bërë kështu ‘hit’ në internet. E në mesazhin e shkruar në furgonin e tij shoferi shkruan: “Mos u ngut se të shpija po të presin të gjallë”.

Furgoni
Furgoni

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb