DURRES

Universiteti “Aleksandër Moisiu” Durrës, në bashkëpunim me partnerë kombëtarë e ndërkombëtarë si Universiteti i Kalabrisë në Itali, Instituti Taganrod i menaxhimit dhe ekonomise ne Rusi, Instituti Albanologjik Prishtinë, Universiteti “Fan Noli” Korçë Universiteti “Ismail Qemali” Vlorë dhe Universiteti “Luigj Gurakuqi” Shkodër, organizuan konferencën “Mësimi, edukimi dhe të nxënit”.

Në konferencë u diskutua për ofrimin e një debati dhe diskutimi  të gjerë në lidhje me zhvillimin  dhe perspektivën  e edukimit, mësimdhënies  dhe të nxënit  në ditët e sotme.

Rektorja e Universitetit të Durrësit  Kseanela Sotirofski tha se këto konferenca janë mundësi e mirë për të shkëmbyer arritjet akademike, si dhe për të ngritur ura bashkëpunimi.

Gjate diskutumit proferoresha Judit Karpati nga Universiteti i Budapestit u ndal te problemet me të cilët përballen shtresat e margjinalizuara, të tilla si komuniteti rom.

“Arsimi bazë është shumë i rëndësishem për romët sepse eksizotn një numër i madh prej tyre të cilët nuk e kanë atë. Ka probleme me shkollat në Hungari por ka situata të ngjashme edhe në Shqipëri.” -tha Karpati

Në këtë konferencë morën pjesë studiues  nga Shqipëria, Ballkani dhe Europa. Nëpërmjet punimeve të tyre, pjesëmarrësit në konferencë  sollën diskutime të gjera e gjithëpërfshirëse për çështje  dhe problematika  që lidhen me edukimin, mësimdhënien, si dhe dhanë këndvështrime të ndryshme për  zgjidhjen e problematikave të parashtruara.

(BalkanWeb)