Më në fund një lajm i mirë për Barcelonën. Lionel Messi është kthyer në starvitje me pjesën tjetër të skuadër dhe pritet të jetë në fushën e lojës për sfidën e javës së dytë në La Liga. Kampionët e Spanjës do të presin të dielën në mbrëmje në “Camp Nou” Betis. Fitorja është një detyrim për formacionin e Ernesto Valverde, pas dështimit të madh në debutimin e sezonit të ri.

Me mungesa të rëndësishme si ato të Luis Suarez dhe Ousmane Dembele, Barcelona do të ketë në këtë ndihëm e kapitenit të saj për të marrë tri pikët e para në kampionat. Messi qëndroi jashtë fushave në miqësoret e fundit të verës dhe sfidën që hapi këtë edicion në La Liga për shkak të një dëmtimi. Barcelona nuk preferoi të rrezikonte që gjëndja e tij të përkeqësohej, por në emergjencë të plotë në sulm, stafi mjekësor përshpejtoi rikuperimin e “Pleshtit”. Rikthimi në stërvitje dhe aktivizimi i mundshëm i sulmuesit argjentias në sfidës e së dielës është një lajm i mirë, që klubi katalunjas ka dashur ta ndajë me tifozët e tij në rrjetet sociale.

Nuk mund të thuhet e njëjta gjë për rivalët dhe sidomos Betis, që kthen në vëmendje dy ndeshjet e sezonit të shkuar, ku Messi I ka realizuar pesë gola. Për këtë arsye, klubi andaluzian i është përgjigjur me humor statusit të Barcelonës në “Tëitter”. “Mos u nxito Leo. Nuk është e nevojshme që të sforcohesh”, lexohet në tekstin e postuar në llogarinë zyrtare të Real Betis.
(balkanweb)