TIRANË

Presidenti Ilir Meta në konferencën e jashtëzakonshme për mediat tha se kriza politike dhe rreziku i një konflikti civil mes tyre, ka detyruar atë që të marrë veprimin për të shtyrë datën e zgjedhjeve të 30 qershorit.


Kreu i shtetit firmosi “live” para kamerave zhdekretimin e datës së zgjedhjeve, ndërsa në fund përshëndeti qytetarët me simbolin e shqiponjës dykrenare, duke përcjellë edhe njëherë mesazhin se Shqipëria dhe stabiliteti i saj është mbi çdo interes tjetër.



Presidenti i vendit ftoi edhe faktorin vendas e të huaj, që të kontribuojnë për tejkalimin e ngërçit të krijuar mes palëve politike. Ai tha se të gjithë së bashku duhet të punojnë për t’i shërbyer të ardhmes së Shqipërisë, destinacioni i së cilës është  familja e madhe e Bashkimit Europian.

“Kjo është mënyra e vetme për kontribuuar për zgjidhjen e krizës ku ndodhet vendi.  Ftoj të gjithë aktorët vendas dhe ato ndërkombëtarë,  për të vendosur dialogun dhe gjetjen e një zgjidhjeje, e cila i shërben të ardhmes europiane të vendit”-tha kreu i shtetit.

  • foto galeri
  • foto galeri
  • foto galeri
  • foto galeri
  • foto galeri
  • foto galeri
  • foto galeri
  • foto galeri
  • foto galeri
  • foto galeri
  • foto galeri
  • foto galeri

 

(n.m/BalkanWeb)

 

Etiketa: