TIRANE-Kryetari i Kuvendit, Ilir Meta nisi vizitën zyrtare në Zvicër me një takim të veçantë me kryetarin e Bashkisë së Bernës, Alexandër Tschappat.
Kryebashkiaku Tschappat shprehu ndjenjat më të ngrohta të miqësisë për Shqipërinë dhe popullin shqiptar.
Nga ana e tij, Meta
vlerësoi marrëdhëniet e shkëlqyera mes dy vendeve, si dhe peshën e kontributin e komunitetit shqiptar në Zvicër. “Zvicra, tha ai, përfaqëson një vend mik të veçantë për të gjithë shqiptarët dhe shkëmbimi i eksperiencave dhe ekspertizës me qytetin e Bernës i kontribuon cilësisë së marrëdhënieve dypalëshe”.
Gjatë qëndrimit në Zvicër kryetari i Kuvendit shoqërohet nga deputeti Fatmir Toçi, kryetar i grupit parlamentar të Miqësisë Shqipëri-Zvicër, nga deputeti Fatmir Xhafaj, kryetar i komisionit të Ligjeve dhe Sekretarja e Përgjithshme e Kuvendit, Albana Shtylla.
(d.b/BalkanWeb)
