Zona më e madhe e Los Anxhelosit të kujton një skenë lufte nga zjarri që ka djegur mijëra hektarë tokë, ka shkatërruar prona me vlerë miliarda dhe ka lënë pas 10 të vdekur.
Sado që forcat zjarrfikëse dhe i gjithë aparati shtetëror i Kalifornisë po luftojnë për të vënë nën kontroll zjarret, madje kanë hedhur në betejën e shuarjes dhe më shumë se 800 zjarrfikës vullnetarë, parashikimet për shkak të motit duken ogurzi. Në këtë pikë, sipas vlerësimeve të ekspertëve, autoritetet nuk do të kontrollojnë zjarret nëse nuk ndryshon moti.
Kushtet e motit favorizojnë zjarret
Në mënyrë të veçantë, rajoni është ende në gjendjen e alarmit të kuq për shkak të kushteve jashtëzakonisht të rrezikshme që favorizojnë shfaqjen e zjarreve. Sipas mediave lokale, paralajmërimi do të qëndrojë në fuqi deri sot, e premte.
Skyline of Los Angeles
📹jaylunah2
pic.twitter.com/5yOtL5PKUR— Science girl (@gunsnrosesgirl3) January 9, 2025
Erërat e forta të Santa Ana, që priten të arrijnë shpejtësi deri në 121 kilometra në orë, kombinohen me lagështinë jashtëzakonisht të ulët dhe temperaturat e larta, duke krijuar kushte ideale që zjarret të përhapen me shpejtësi. Rajoni është tashmë në një thatësirë të madhe, me pak reshje deri më tani.
Sinoptikanët parashikojnë se erërat mund të dobësohen pak të premten pasdite (mëngjesin e së shtunës me orën tonë), por erërat që do të vazhdojnë të arrijnë shpejtësinë 65 kilometra në orë e mbajnë rrezikun të lartë. Të shtunën pritet që erërat të zvogëlohen përkohësisht, por intensiteti i tyre parashikohet të rritet sërish të dielën dhe në fillim të javës së ardhshme. Njëkohësisht nuk ka shenja reshjesh, keshtu që situata vazhdon të përkeqësohet.
Zjarrfikësit që veprojnë në Kaliforninë Jugore mund të duhet të presin për një ndryshim të kushteve të motit për të vënë nën kontroll zjarret, sipas profesor David Alexander, një ekspert i menaxhimit të rrezikut dhe fatkeqësive në Institutin për Reduktimin e Rrezikut dhe Fatkeqësive.
Profesori shpjegoi në një intervistë për Sky News se erërat e forta, të cilat rrisin përhapjen e zjarreve, janë faktori kryesor që pengon shuarjen efektive. “Shumica e zjarreve do të vazhdojnë të jenë derisa era të shuhet,” tha ai.
Alexander theksoi se metodat e shuarjes së zjarrit nga ajri, si përdorimi i helikopterëve dhe avionëve që hedhin ujë ose retardantë kimikë të flakës, mund të kufizojnë vetëm përhapjen e zjarreve, jo t’i ndalojnë ato. “Aeroplanët dhe helikopterët hedhin ujë ose kimikate mbi flakët dhe ndihmojnë në uljen e intensitetit dhe frenimin e zjarrit, por rrallë arrijnë ta shuajnë plotësisht. Tani për tani po punojnë pa ndërprerje për të kontrolluar dëmet”, tha ai.
Dhjetëra blloqe u shkatërruan në lagjen luksoze Pacific Palisades, vetëm disa minuta larg shtëpisë së shumë të famshëmve të Hollivudit. Ndër shtëpitë e djegura janë ato të Paris Hilton, Anthony Hopkins, Tina Knowles, John Goodman, Candy Spelling, Milo Ventimiglia dhe Miles Teller.
Megjithatë, histori të vogla shprese regjistrohen në mes të shkatërrimit. Rreshtat e shtëpive luksoze buzë plazhit janë bërë hi pasi një zjarr shkatërrues përfshiu zonën, duke lënë një shtëpi unike në këmbë, të rrethuar nga rrënojat e tymosura.
Në betejën me flakët dhe të burgosurit.
Një burim konfirmoi për BBC se pothuajse 800 të burgosur po i bashkohen CalFire për të ndihmuar në kontrollin e përhapjes së zjarreve, si pjesë e një programi vullnetar.
CalFire tani ka vendosur rreth 4,700 nga reaguesit e tij të parë, kështu që ky është një numër çuditërisht i konsiderueshëm i të burgosurve që mbështesin këtë aksion
Departamenti i Rehabilitimit në Kaliforni operon me kampe trajnimi të zjarrfikësve në mbarë vendin për të burgosurit, të cilat mbështesin reagimin e autoriteteve ndaj fatkeqësive.
Rreth 100,000 shtëpi në Los Angeles janë pa energji
Pothuajse 100,000 shtëpi dhe biznese në Los Angeles janë pa energji elektrike, sipas një faqe interneti që gjurmon ndërprerjet e energjisë elektrike në SHBA.
Shifrat nga Poweroutages.us tregojnë se rreth 60,000 klientë të Departamentit të Ujësjellësit dhe Energjisë në LA janë pa energji elektrike. Gati 40,000 klientë të Edison të Kalifornisë Jugore janë gjithashtu pa energji elektrike pasi zjarret vazhdojnë të djegin qytetin.
