Mijëra njerëz morën pjesë në funeralin e 10 prej 12 fëmijëve dhe adoleshentëve të vrarë në Majdal Shams, pasi një raketë nga Libani goditi një fushë futbolli në Rrafshnaltën Golan.

Në një deklaratë ushtria izraelite ka thënë se sulmi është më vdekjeprurësi për civilët që nga 7 tetori, shkruan AP.

Sulmi ka rritur shqetësimet për një luftë më të gjerë rajonale mes Izraelit dhe Hezbollahut, që e mohoi përfshirjen në sulm.

Të shtunën pak para perëndimit të diellit, një raketë ra në fushën e futbollit ku luanin dhjetëra fëmijë dhe adoleshentë, në fshatin Druze të Majdal Shams, që ndodhet 12 kilometra në jug të Libanit.