TIRANË- Kryeministri Edi Rama është duke zhvilluar në Kryeministri një takim me disa prej ministrave të kabinetit, si dhe kandidatin zyrtar për postin e Ministrit të Drejtësisë, Ylli Manjanin.

Rama ka pritur në Kryeministri, Ministrin e Brendshëm, Saimir Tahiri, Ministrin e Shëndetësisë Ilir Beqajn, Ministren e Zhvillimit urban dhe Turizmit, Eglantina Gjermeni si dhe Ylli Manjanin.

Ky takim vjen një ditë pas dorëheqjes së një prej ministrave të kabinetit “Rama”, dhe mund t’u paraprijë ndryshimeve të tjera në qeveri.

Ndërkohë po sot rreth orës 13:10, ministri i dorëhequr i Drejtësisë, Nasip Naço ka zhvilluar një takim me kryeparlamentarin, Ilir Meta në kryesinë e Kuvendit. Takimi mes tyre vjen një ditë pasi Naço i dorëzoi kryeministrit Edi Rama, dorëheqjen e tij nga detyra e Ministrit të Drejtësisë, sipas tij për arsye personale. Nuk dihet ende tema e takimit mes Naços dhe Metës, ndërkohë që menjëherë pas takimit, kryeparlamentari ka lënë kryesinë e Kuvendit. (m.k/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: