Policia e Fierit përmes një komunikate zyrtare ka dhënë detaje në lidhje me mjetin i cili mori flakë në ecje dhe thuajse u shkrumbua.

Sipas komunikatës zyrtare, dyshohet se shkak është bërë një shkëndije elektrike, çka solli dhe flakët duke i rrezikuar kështu jetën edhe drejtuesit të mjetit.

Ky i fundit konstatoi flakët dhe ndaloi menjëherë dhe fatmirësisht nuk ka marrë lëndime.

Teksa paraprakisht policia thotë se ka vetëm dëme materiale, hetimi vijon për zbardhjen e detajeve të ngjarjes.

Njoftimi i policisë:

Fier/ Informacion paraprak

Rreth orës 17:20, në aksin rrugor “Fier-Spitali Memorial”, në afërsi të hekurudhës, dyshohet se për shkak të një shkëndije elektrike, ka marë flakë në ecje automjeti me drejtues shtetasin L. K., 28 vjeç. Si pasojë e flakëve janë shkaktuar vetëm dëme materiale.

Grupi hetimor vijon punën për sqarimin e rrethanave të rastit.

(BalkanWeb)