Në studion e emisionit “A Show” në News 24, Kryetarja e LSI-së, Monika Kryemadhi foli pa dorashka. Ajo tregoi për marrëdhëniet e saj dhe Ilir Metës me Ramën në koalicion, për frikën që kishte nga ky bashkëpunim, si dhe për këshillat që i jepte bashkëshortit të saj, që në atë kohë kishte drejtimin e partisë.
Kryemadhi pranoi hapur se Rama është treguar i pandershëm me çiftin Meta-Kryemadhi.
“Në marrëdhëniet me Metën s’flas fare se e kanë listën të gjatë. Në marrëdhënie me mua, po ju flas për zgjedhjet e 2017 në Lezhë. Ia kërkoi vetë deputetit tonë Viktor Tusha të ishte kandidat dhe angazhoi gjithë partinë e tij t’i dilnin kundër kandidatit të LSI. Me pak fjalë më saboti Viktor Tushën. Ne bëmë një marrëveshje që do votonim njëri-tjetrin, ai nuk i qënndroi asaj. Sa për marrëdhënie njerëzore, s’ka pasur ai me mua dhe s’ka shanse të ketë”,- tha Kryemadhi.
Ndër të tjera, ajo foli edhe për skepticizmin që kishte ndaj Ramës, kur Meta bëri marrëveshje me Ramën pas zgjedhjeve të vitit 2013.
“Po është e vërtetë që i thosha: Mos i beso, ki kujdes. Kam qënë kundër marrëveshjes në 2013”,- shtoi ajo.
(m.a/BalkanWeb)
