Nis bllokimi i akseve rrugore, atje ku mbështetës të opozitës, në kuadër të mosbindjes civile, do të protestojnë.

Në rrethrrotullimin e Shkozetit, sipas gazetares së Neës24, Klodiana Haxhiaj, është bllokuar autostrada në në dy anët.

Gazetari Osman Stafa gjithashtu raportoi se te sheshi Shqiponja është bllokuar rruga në të dy anët e lëvizjes.

Gjithashtu në rrethrrotullimin e Rrogozhinës, mbështetësit e opozitës, sipas gazetarit Igli Çelmeta, kanë bllokuar rrugën në të dy kahet e lëvizjes.

Gazetari i News24 Renaldo Salianji gjithashtu raportoi se ka një bllokim të autostradës në Milot. Ai tha se autostrada është bllokuar në të dy anët, nga qytetarë që ecin dhe më pas vijnë automjetet e të tjerë protestuesve, që duket se është një nga format që do të përdoret për të bllokuar akset rrugore.

Fatmir Popja nga rrethrrotullimi i Bradasheshit tha se protestuesit janë zhvendosur drejt tunelit të Krrabës që lidh Tiranën me Elbasanin.

Gazetari i News24 Enrik Mehmeti i pozicionuar në Levan tha se mbështetësit e PD-së kanë bllokuar aksin rrugor, ndërkohë që Policia po monitoron situatën me dron.

Në të 6 pikat ku po protestohet ka një përqëndrim të forcave të rendit, përfshi edhe ato të FNSH-së, që mund të ndërhyjnë në rast të precipitimit të situatës.