Policia e Tiranës ka proceduar penalisht 4 deputetë të Partisë demokratike dhe rreth 100 protestues, me akuzën për “Organizim dhe pjesëmarrja në grumbullime dhe manifestime të paligjshme”, “Pengimi i qarkullimit të mjeteve të transportit”.
Protestuesit sipas një skenari të përgatitur më herët nga PD, bllokuan dje për 3 orë qarkullimin e mjeteve te Mbikalimi i Kamzës. Mësohet se deputetët e proceduar janë Flamur Noka, Albana Vokshi, Xhelal Mziu dhe Asllan Dogjani.
Deputetë dhe mbështetës të Partisë Demokratike u mblodhën dje në ish-sheshin “Shqiponja” duke paralizuar lëvizjen, ndërsa me dhjetëra forca policore ishin të pranishme për të siguruar mbarëvajtjen e protestës dhe qarkullimin e mjeteve. Bllokime pati edhe në kthesën e Kamzës.
Deputetët e PD të proceduar për bllokimin e ish-sheshit “Shqiponja”
Flamur Noka
Albana Vokshi
Xhelal Mziu
Asllan Dogjani
Elbasan, 3 protestues në pranga, 20 të tjerë dhe 3 deputetë procedohen
Policia e Elbasanit ka vënë në pranga tre persona në lidhje me protestën e mbajtur dje në Bradashesh.
Blutë kanë nisur procedim në gjendje të lirë për 20 protestues dhe tre deputetë.
Opozita mbajti dje protestë, e cila ndryshe nga herët e tjera nuk ishte e përqendruar vetëm në Tiranë, por ishte e shpërndarë në akset kryesore të vendit. Për tre orë u bllokua qarkullimi i automjeteve te rrethrrotullimi i Bradasheshit duke bërë që asnjë automjet të lëvizë në drejtim të Tiranës, Elbasanit apo edhe Peqinit e Rrogozhinës.
Kurbin, procedohen mbi 15 protestues
Policia e Kurbinit ka proceduar penalisht mbi 15 protestues pas mosbindjes civile që u shoqërua me bllokimin e mbikalimit të Milotit. Për tre orë, pasditen e djeshme mbështetësit e opozitës paralizuan qarkullimin e automjeteve.
Policia e Fierit publikon listën e protestuesve që bllokuan rrethrrotullimin e Levanit, nisin shoqërimet
Drejtoria e policise Fier, ka nxjerrë listen e anetareve dhe drejtues te strukturave te partise demokratike, protestues te rrethrrotullimi i Levanit dhe kane filluar shoqerimet. Mes protestuesve të proceduar është edhe deputeti i PD, Luan Baçi.
Emrat e protestuesve
Gentian Koçi
Robert Marku
Sali Isufaj
Artur Alibeaj
Mikel Hoxhaj
Emiljano Paja
Arben Driza
Eduart Spaho
Mikel Berisha
Pandi Tole
Durim Refiti
Kastriot Plaka
Alush Pasha
Hebet Selimi
Dritan Dogani
Enver Plaka
Ylli Plaka
Luan Baçi
Policia e Elbasanit shoqëron kryetarët e PD dhe PL në Pogradec
Policia e Elbasanit shpalli në kërkim dy kryetarë dhe një eksponent të opozitës, të cilët morrën pjesën mbrëmjen e djeshme në protestën në Elbasan. Sipas informacioneve,të shoqëruar nga policia janë kryetari i PD Pogradec Genti Çela, kryetari i PL Pogradec Gentian Çala dhe eksponenti demokrat Luan Tollozhina. Ata u ndaluan nga policia e Pogradecit për llogari të DVP Elbasan ndërsa mësohet se janë dërguar pranë kësaj drejtorie. Nuk dihet nëse kemi të bëjmë me shoqërim apo me ndalim të këtyre personave.
(BalkanWeb)
