TIRANE

Në një kohë kur mosdrektimi i Sandër Lleshit në postin e ministrit të Brendshëm solli ‘përplasje’ mes Presidencës dhe Kryeministrisë, vjen një reagim nga Ilir Meta. Në një deklarate për mediat ai sugjeroi të gjithë ata që kanë të tjera mendime për këtë çështje, që të lexojnë Kushtetutën dhe të njohin kompetencat e Presidentit.

“Besoj se interkonektiviteti duhet të rrezatojë kudo. Sa i takon anës ligjore padashur të japë leksione për Kushtetutën… por të gjithë amatorëve, diletantëve, do u thoja që të lexojnë Kushtetutën dhe kompetencat e presidentit”, tha Meta.

Presidenti Meta tha ndër të tjera se në kushtetutë nuk thuhet se presidenti mund të kthejë një propozim. Meta mori si shembull edhe mundësinë e  rrëzimit të dekretit të presidentit nga parlamenti për të cilën tha se kjo nuk është e shprehur në Kushtetutë.

“Presidenti ka detyrë vetëm të firmosë një propozim sepse në Kushtetutë nuk thuhet se presidenti mund të kthejë një propozim. A mundet parlamenti të rrëzojë dekretin e  presidentit për një ministër? Sepse edhe kjo nuk është e shprehur në Kushtetutë. Më lini të bëj detyrën time me përgjegjësi të plotë.”- tha Meta.

A do i drejtoheni parlamentit për të treguar arsyet?

Meta: Unë jam mjaft i lidhur me parlamentin dhe jam i zgjedhur nga parlamenti, kështu që parlamenti për mua është gjithçka.

(ed.me/d.d/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb