Katër persona humbën jetën në Zvicër dhe dy të tjerë rezultojnë të zhdukur pas përmbytjeve dhe rrëshqitjeve të dheut të shkaktuara nga shirat e rrëmbyeshëm në zojën juglindore të vendit, fenomene të motit që goditën edhe pjesë të Italisë.
Tre nga viktimat u regjistruan si pasojë e një rrëshqitjeje dheu në Luginën Maggia, në kantonin zviceran të Ticino-s në gjuhën italiane, sipas një deklarate të policisë. Tre trupat u gjetën në rrethin Fontana të Luginës Maggia dhe janë duke u identifikuar, ndërsa një person tjetër është zhdukur në një zonë fqinje, thanë autoritetet e Ticino. Një urë u përfshi nga ujërat, duke bllokuar një rrugë në kanton, duke komplikuar përpjekjet e shpëtimit.
Pjesa më e madhe e Zvicrës është goditur nga stuhi të forta që nga pasditja e së shtunës dhe së dielës, dhe reshjet janë shumë të dendura. Përmbytjet e Rhone dhe degëve të tij, të fryra nga uji i shiut dhe shkrirja e akullit, kanë detyruar qindra njerëz të largohen dhe gjithashtu kanë mbyllur shumë rrugë. Në kantonin e Valais, policia tha se një burrë u gjet i vdekur në një hotel në një qytet alpin. Policia tha se një person tjetër ishte zhdukur në një zonë tjetër të Valle.
Përmbytjet dhe rrëshqitjet e dheut goditën gjithashtu një rajon fqinj të Italisë, ku rreth 200 njerëz duhej të evakuoheshin me helikopter nga shtëpitë e tyre në Coni në Luginën e Aosta, tha guvernatori lokal.
(BalkanWeb)
