Stuhitë e forta të 24 orëve të fundit kanë shkaktuar probleme të konsiderueshme në Qefaloni , veçanërisht në jug të ishullit ku u përmbytën banesa, biznese dhe të mbjella.
Mëngjesin e së dielës, ekipet e Mbrojtjes Civile kanë vijuar me largimin e mbeturinave nga varrezat e Vlaçatës, ndërsa në Pastra është shënuar një rrëshqitje dheu, me gurë të rëna në një rrugë kryesore.
“ Ka tre ditë që nuk kemi qetësi. Sasia e ujit është pothuajse aq sa ajo e Janusit. Po mundohemi të durojmë, kemi arritur të mbajmë të hapur rrjetin rrugor dhe kemi edhe ndihmën e Ushtrisë me makineri. Asnjë jetë njerëzore nuk është rrezikuar, shumica e problemeve ndodhen në Peratata pasi shtëpitë janë përmbytur. Bashkia ka rezervuar dhoma hoteli për këta banorë”, theksoi kryebashkiaku i Argostolit, Theofilos Michalatos.
Bëhet e ditur se me vendim të kryetarit të bashkisë së Argostolit, njësia shkollore e Kopshtit Spartia, nuk do të funksionojë ditën e hënë, më 17 shkurt 2025, për shkak të problemeve të shkaktuara nga moti me reshje të dendura shiu.
(BalkanWeb)
