C.Ronaldo po shkon rreth të 40 vjeç, por vijon të jetë përcaktues, vijon të shënojë në mënyrë të rregullt jo vetëm me Al-Nassr, por dhe super gola me Portugalinë. Pavarësisht moshës, emri i Ronaldo-s mbetet prezent edhe në Evropë, ku disa klube kërkojnë ta rikthejnë në kontinentin e vjetër, një prej tyre është mentori i tij i vjetër, Jose Mourinho:

“A je i lumtur aty? Thuhet se dëshiron të largohesh. Nëse po, të pëlqen të vish këtu?” Ky është mesazhi që Jose Mourinjo i ka dërguar Ronaldos, kaq ka mjaftuar që tifozët e Fenerbahces të nisin një fushatë në rrjetet sociale me hashtagun: Eja te Fenerbahce.

Pavarësisht dëshirës së Mourinho-s, por dhe tifozëve turq, CR7 përfiton në Arabinë Saudite 222 milionë euro në vit, vështirë të mendosh që Ronaldo do të heq dorë nga një pagë e tillë për t’u transferuar në Turqi.

Ndërkohë, në një dokumentuar që pritet të dalë në Netflix, Ronaldo shfaqet duke theksuar se në Arabinë Saudite nuk ndodhet për para, por për të përmirësuar kampionatin vendas, për të fituar trofe dhe për të lënë një trashëgimi.

(BalkanWeb)