Berat Gjimshiti u shpreh I gatshëm për të marrë mbi vete një rol të vështirë siç është kapiteni i kombëtares së Shqipërisë. Por mbrojtësi që luan me Atalantën duhet të presë radhën për të vendosur shiritin në krah.

Pas mungesës së Mërgim Mavraj dhe Elseid Hysaj, me shumë mundësi, Edi Reja do t’ia besojë atë Ledian Memushaj në transfertën e Stambollit kundër Turqisë. Mesfushori është një nga lojtarët më me eksperiencë në skuadrën kuqezi dhe pritet të zbresë në fushën e lojës nga minuta e parë. Memushaj e ka mbajtur edhe më parë shiritin e kapitenit në kombëtaren e Shqipërisë.
(balkanweb)