TIRANË

A kanë përgjegjësi ndërkombëtarët për situatën në vend? Sa duhet të presim nga Perëndimi? Këtyre pyetjeve iu janë përgjigjur analistë e gazetarë në emisionin “Të paekspozuarit” në News24.
Për Fatos Lubonjën, duke sjellë shembuj nga lufta në Vjetnam, interesi amerikan është mbi të gjitha. Por ai shprehet se nuk e di sa interes amerikan ka në vendin tonë.

Për Besnik Mustafajn, shqiptarët duhet të merren me hallet e tyre e të mos presin nga jashtë dhe se problemi nuk janë ndërkombëtarët.

Ndërsa Andi Bushati thotë se monizmi prodhon stabilitet.
Lubonja: Nuk ndërhyn dot një Amerikë tjetër që tua zgjidhë problemet në Amerikë. Kjo histori mund të ketë të mirën që shqiptarët të çlirohen nga kulti që vendos Amerika.
Sa për Amerikën kam thënë shumë gjëra e po them një tjetër. Interesi amerikan mbi të gjitha. Sa ka dizinformacion, sa ka interes amerikan këtu unë nuk e di dhe sa ka gjykim të gabuar nuk e di.
Një ndarje mes shqiptarëve që mund të thellohet me një të çmendur që kemi në krye. Që mund të na çojë në situata që mund të riparohet pas 10 vjetëve.

Mustafaj: Nëse është një pikë që jam dakord me Lubonjën, është se shqiptarët duhet të merren seriozisht me hallet e tyre e të mos presin nga jashtë. Komuniteti ndërkombëtar ka qenë në rolin e vet, përjashtuar deklaratën e sotme të Palmer. Kemi pasur 2-3 momente prononcime të nuancuara. Ambasadori i OSBE dhe ambasadori italian kanë bërë disa deklarata që tregojnë se nuk janë të kënaqur me këtë skenë. Nuk kemi pse nga dëshpërimi t’ia vëmë fajin ndërkombëtarëve. Ata janë në rolin që iu takon. Mendoj që problemi kryesor nuk janë ndërkombëtarët.
Bushati: Prodhon stabilitet monizmi. Kaq.

(m.k/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb