ITALI

Policia italiane në Torino arrestoi 9 persona, kryesisht për faktin se ata shpërndanin drogë në “Torino Music Festival”. Prangosjet ndodhën natën e 31 tetorit.

Mes të arrestuarve në Lingotto Fiere ishin edhe dy të rinj marokenë të moshës 21 dhe 19 vjeç, të cilët akuzohen se kanë kryer më e pakta 3 grabitje. Nëntëmbëdhjetë vjeçari u padit gjithashtu për posedimin e një shishe me llak të fortë. I riu 21-vjeçar kishte me vete disa pajisje, të cilat dyshohet se ai i përdorte në grabitje, shkruajnë mediat italiane.

Ndërsa 5 të tjerë u arrestuan për posedim droge, me stë cilëve një 32-vjeçar italian. Një 21-vjeçar dhe një 20-vjeçaru kapën po ashtu me lëndë narkotike (amfetamina, kokainë, ekstazi, heroinë dhe marihuanë) si dhe 650 euro të gatshme. Dy të rinj të tjerë, të moshës 23 dhe 19 vjeç, kishin 17 doza me vete, tre amfetaminë dhe kokainë, dhe më shumë se 900 euro para të gatshme.

Një shtetas shqiptar 25-vjeçar, nga ana tjetër, u arrestua për shkak të rezistencës ndaj policisë. Dy të rinj të tjerë u proceduan penalisht në gjendje të lirë, po ashtu për tregti droge.  Në këtë festë gjigande, më së paku merrnin pjesë 10 500 vetë.

(d.xh/Balkanweb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: