6 ndeshje, 4 fitore, 1 barazim 1 humbje. Napoli feston me 3 pikë në “Maradona”, thyen 2-0 Monza-n duke u ngjitur në krye të Serie A, plus 1 nga Juve dhe plus 2 në raport me Milan e Inter. Ekipi i Antonio Conte-s vijon formën e mirë, këtë herë zgjidhën pa shumë probleme këtë takim fal dy golave të shpejtë të realizuar nga Politano dhe Kvaratskhelia, dy gola brenda 33 minutave që i dhanë mundësinë të administronin me qetësi pjesën e mbetur të këtij takimi.
Conte feston për këtë sukses, por qëndron me këmbë në tokë kur pyetet mbi garën për titullin: “Në punojmë për të ushqyer ëndrrat, por realiteti tregon se jemi ende larg. Duhet të jemi me këmbë në tokë, të djersimë ndeshje pas ndeshje. Realiteti është se duhet të punojmë shumë, shumë skuadra janë përpara nesh. Duhet të rikthejmë Napolin të jetë konkurrues, jo 40 pikë larg Inter”, u shpreh Conte pas ndeshjes.
Fitore të rëndësishme këtë javë siguruan edhe dy ekipet e kryeqytetit, Roma dhe Lazio. Ekipi i Juric mposhti 2-1 me përmbysje Venezia-n, ndërsa Lazio doli me 3 pikë nga transferta përballë Torinos pas suksesit 3-2.
Vijon momentin pozitiv Empoli, me ekipin e Ismajlit që doli me një 1 pikë pas barazimit pa gola përballë Fiorentines. Qendërmbrojtësi kuqezi zhvilloi një tjetër paraqitje fantastike, i pakalueshëm në prapavijë, i vlerësuar me notën 7,4.
(BalkanWeb)
