Oklahoma është gjithnjë e më shumë lider në NBA, duke mposhtur 145-117 Chicago dhe korri fitoren e 10-të radhazi. 7 lojtarë të Oklahoma realizuan mbi 10 pikë, ku u dalluan Joe me 31 pikë e Shai me 27 pikë.

Fitore të vështirë korri skuadra e Lakers, që mundi 104-98 Houston. 46 pikët e ardhur nga lojtarët e stolit bënë diferencën për ekipin kalifornian, me tri lojtarë që realizuan nga 20 pikë secili (Doncic, Smith, Vincent).

Skuadra kampione e Boston mundi 117-103 Memphis, ndeshje ku dyshja Horford-Tatum realizoi 51 pikë.

Fiton edhe skuadra e Clippers, që mundi 96-87 Orlando, sfidë ku Leonard e Powell realizuan nga 21 pikë secili.

Suksesi i pestë radhazi për Miami, që mundi 120-94 Washington, sfidë ku diferencën e bënë Adebayo me 28 pikë e Herro me 27 pikë.

Surprizon Brooklyn, që falë 24 pikëve të Johnson mundi 113-109 Dallas jashtë fushe.