TIRANE

Ismail Kadare nuk ka arritur të fitojë as këtë vit çmimin Nobel për Letërsi, edhe pse ishte në mesin e kandidatëve. Çmimi Nobel për Letërsi sivjet u nda dy herë pasi vitin e kaluar akademia suedeze e kishte anuluar ceremoninë për shkak të skandaleve të sulmeve seksuale, konfliktit të interesit dhe korrupsionit që kishin prekur këtë institucion.


Çmimin Nobel për Letërsi për vitin 2019 e ka fituar autori austriak, Peter Handke. Ndërsa çmimin Nobel për Letërsi për vitin 2018 është fituar nga autorja polake Olga Tokarczuk.


Akademia suedeze e ka shpërblyer Tokarczuk-un për “imagjinatën rrëfyese me një pasion enciklopedik që përfaqëson kryqëzimin e kufijve si formë të jetës”. Ndërkaq, dhënien e çmimit për Handke-n e kanë argumentuar sipas tyre për “punën me ndikim që me zgjuarsinë gjuhësore e ka eksploruar periferinë dhe specifikimin e përjetimit njerëzor”.
(BalkanWeb)


Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb