DURRES– Shuhet në moshën 78-vjeçare aktori i humorit shqiptar Fadil Hasa. Aktori durrasak, i cili mbante titullin “Artist i merituar” ndërroi jetë mëngjesin e kësaj të hëne pasi vuante prej kohesh nga një sëmundje e rëndë. Fadil Hasa është një aktor i shquar, i cili me rolet e tij ka shenjuar historinë e humorit në Shqipëri.
Personazhet e shumta që Hasa ka sjellë kane marrë shumë vlerësime nga publiku. Fadil Hasa është i shquar me shumë në role komike në estradën e Durrësit. Disa nga rolet e Hases jane filmat “Kronikë provinciale”, “Mao Ce Dun”, “Zëvendësi i grave” apo te “Dajrja” apo skeçi “Sheqeri”.
Fadil Hasa është nderuar 4 herë “Aktori më i mirë i humorit”, gjithashtu me disa çmime kombëtare për kontributin e tij në fushën e aktrimit.
Homazhet në nderim të tij do të mbahen ditën e nesërme në orën 10:00-11:00 tek Teatri i Durrësit.
(BalkanWeb)