Deputeti demokrat Saimir Korreshi në rubrikën “Opinion” në News24 tha se në Shqipëri roli i ndërkombëtarëve është përcaktues.

Korreshi tha se një deklaratë e një ambasade, si psh ajo e SHBA lëviz mijëra vota nga një krah në krahun tjetër.

Për këtë Korreshi tha se kjo ndodh pasi kemi pasur Qeveri inferiore, që nuk bëjmë dot përpara pa na marrë ndërkombëtarët për dore.

Ndërsa kreu i “Nismës Thurrje”, Endri Shabani, tha se kjo ndodh pasi në Shqipëri ka pasur qeveri të korruptuara.

“Është e vërtetë që ndërkombëtarët kanë ndikim në politikën shqiptare, por mendoj se kjo ka ndodhur pasi ne nuk kemi pasur qeveri që kanë punuar për shqiptarët”, tha Shabani.