Mund t’ju duket e rrallë por në Brazil është burgosur edhe një papagall. Sipas policisë, ai paralajmëronte shpërndarësit e drogës qëtë largoheshin sapo shihte një makinë policie.
Autoritetet thonë se papagalli është kapur teksa ka paralajmëruar dy shpërndarës droge, duke i prishur kështu policisë një operacion të befasishëm.
“Kur zogu me pupla të gjelbra pikasi oficerët në shtëpinë e pronares së tij në Teresina, klithi sa pati në kokë: Mama, Policia”, shkruan The Guardian.
Sipas policisë braziliane, pas arrestimit papagalli në fjalë ka kyçur gojën duke vazhduar të tregojë besnikërinë e tij ndaj pronarëve.
The Guardian citoi një gazetar vendas, i cili tha se zogu nuk donte të fliste me oficerët e policisë.
(BalkanWeb)