Policia greke ka informuar se në Greqi thuajse përditë “zhduket” një fëmijë.  Kreu i njësisë së personave të zhdukur të policisë greke (ELAS), Nikolaos Zervakakos tha për gazetën greke “Ekathimerini” se shifrat janë alarmante, ndërsa zhdukjet e fëmijëve bëhen nga familjarët sapo kanë kaluar 24 orë dhe nuk ka gjurmë për ta.

Duke paraqitur të dhënat e policisë në Ditën Ndërkombëtare për Fëmijë të Zhdukur më 25 maj, policia greke informon se 299 fëmijë u zhdukën në vend në 2018, prej të cilëve 123 ishin djem dhe 176 ishin vajza. Nëntëdhjetë e gjashtë prej këtyre djemve dhe 161 prej vajzave u gjetën. Në katër muajt e parë të vitit, 45 djem dhe 71 vajza u zhdukën në Greqi dhe 58 u kthyen në shtëpi.

Sidoqoftë, nga policia e shtetit fqinj thonë se arrijnë të gjejnë shumicën e tyre. Në vitin 2018, u gjetën 85.9 për qind e fëmijëve të zhdukur, kurse në muajt e parë të 2019 u gjetën 82.2 për qind e tyre.

(d.xh/Balkanweb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb