Dy persona në kërkim ndërkombëtar janë kapur sot në Rinas për llogari të Italisë dhe Kosovës. Burime zyrtare nga Policia e Shtetit bënë me dije se kapja e tyre u bë nga Policia Kufitare Rinas në bashkëpunim me Interpol Tirana.

Të njëjtat burime sqaruan se në pranga ka rënë shtetasi shqiptar me inicialet A.P., 40 vjeç, pasi ishte i shpallur në kërkim nga Interpol Roma, ndërsa ai do të ekstradohet drejt Italisë.
Gjykata e Venecias ka lëshuar për të urdhër-arrest për kryerjen e veprës penale “Pjesëmarrje në grup kriminal me qëllim trafikimin ndërkombëtar të lëndëve narkotike”.

Ndërkohë në Rinas u kap edhe shtetasi kosovar me inicialet R.Xh., 39 vjeç, me qëllim ekstradimin e tij drejt Kosovës.
(ed.me/BalkanWeb)