Sarah Beth Clendaniel, e cila u deklarua fajtore për përpjekjen për të sulmuar dhe shkatërruar rrjetin elektrik në rajonin e Baltimores, u dënua me 18 vjet burg me mbikëqyrje të përjetshme pas lirimit.

Prokurorët thanë se Clendaniel, 36 vjeç, nga Catonsville, planifikoi të hidhte në erë stacionet e energjisë përreth Baltimores për të destabilizuar qeverinë në një komplot supremacist të bardhë. Sipas prokurorëve, sulmi do të kishte rezultuar në 75 milionë dollarë dëme dhe do të kishte shkaktuar ndërprerje të energjisë në pjesën më të madhe të shtetit.

Ky dënim vjen pasi Clendaniel pranoi një marrëveshje për pranimin e fajësisë dhe përfundimisht u shpall fajtor për krimet në maj.

Komploti

Agjentët federalë të zbatimit të ligjit arrestuan Clendaniel në vitin 2023 pasi ekzekutuan një urdhër kontrolli në shtëpinë e saj në Catonsville. Agjentët gjetën armë zjarri të ndryshme nga dhoma e saj e gjumit dhe qindra fishekë. Clendaniel-it i ndalohet të posedojë armë zjarri sepse ajo është një kriminele e dënuar.

Sarah Clentaniel, 36 vjeç, u arrestua në shtetin e Maryland, në të njëjtën kohë me Brandon Russell, bashkëthemelues i organizatës neo-naziste amerikane Atomëaffen, nga Florida. Të dy i përkasin lëvizjes, në të cilën rekrutohen ndjekësit e teorisë së epërsisë së racës së bardhë./Law and Crime/