TIRANE

Lajmi se Rudina Dembacaj ka tashmë një histori të re dashurie me një biznesmen, ish-deputetin Mark Frroku, i dënuar deri pak kohë më parë, shkaktoi një tërmet të vërtetë në media.
Dhe po të mos kishte rënë tërmeti reral, do kishte vijuar të merrte maksimumin e vëmendjes deri sa publiku të zbardhte misterin dhe të merrte përgjigjet e disa pyetjeve si: Pse e la Rudina babain e vajzës? Kaq dashuri e madhe paska qenë ajo mes saj dhe Frrokut? Mos u josh nga pasuria e tij, meqë Rudina dha lajmin ndarjes nga ish-bashkëshorti shumë pak ditë para se të lançohej në jetën e Tiranës si biznesmene, falë investimit që Frroku kishte bërë për të?
“E falënderoj Markun që besoi tek unë, është me të vërtetë i zgjuar që më besoi”, tha Rudina atë darkë që bëri inaugurimin e lokalit mes personazhesh VIP. Kjo histori, në fakt, na ka vënë pak në mendime; sa ndjenjë, sa strategji, sa interes dhe sa zgjuarsi ka në këtë mes, meqë Rudina ka folur për zgjuarsi?

  • foto galeri
  • foto galeri
  • foto galeri
  • foto galeri

Mark Frroku njihet si biznesmen me pasuri të admirueshme. Ish-deputeti është i ve, pasi bashkëshortja ndërroi jetë vetëm pak muaj pasi ai la qelinë e burgut, duke lënë pa nënë dy fëmijë.
Edhe pse është pjesë e medias me një program që e drejton vetë, Rudina nuk ka qenë edhe aq mirëkuptuese për pyetjet e shumta që i kanë bërë gazetarët, në fillim për faktin nëse ishte ndarë ose jo nga bashëkshorti dhe më pas nëse është e lidhur apo jo me Mark Frrokun?
“Qesh se më keni çmendur me këtë pyetje”, i është përgjigur Rudina pyetjes së drejtpërdrejtë të një gazetari nëse ajo është e lidhur apo jo me ish-deputetin. Ndërsa lajmin e ndarjes vendosi ta bëjë vetë publike, edhe pse i kishte sharë dhe ironizuar gazetarët që e nxorën këtë lajm pa e konfirmuar akoma ajo, por të njëjtën gjë bëri edhe kur u zbulua se me kë ishte lidhur.
Të nesërmen e inaugurimit të restorantit me investitor Frrokun, kur në media tashmë i dashuri misterioz i Rudinës kishte një identitet, kjo e fundit iu përgjigj lajmit të asaj mediaje duke i treguar gishtin e mesit.
E ndërsa të gjithë po presin që Rudina të dalë hapur në shoqërinë e Mark Frrokut, ne kemi siguruar fotot nga lokali i tyre, teksa Rudina dhe Marku janë të ulur bashkë në tavolinën e restorantit.
Duken mjaft mirë bashkë në fakt dhe ne shpresojmë që pasi të shohë këto foto, Rudina të mos përdorë të njëjtin gjest me ne siç bëri me median tjetër, duke na mirëkuptuar për faktin që bëjmë thjesht punën tonë. Për sa kohë ke zgjedhur të jesh person publik, vështirë të ngelet private diçka nga jeta jote. Panorama Plus

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb