Në kuadër të operacionit të fundit të SPAK, masë sigurie “detyrim paraqitje” është caktuar ndaj gazetarëve të kronikës, Artan Hoxha dhe Elton Qyno.

Hoxha ka reaguar lidhur me masën ndaj tij. Ai ka zbuluar për Top Channel se në mëngjes herët i është bastisur banesa dhe u janë sekuestruar të gjitha mjetet e punës.

Pasdite, shton ai, në SPAK u kanë kërkuar falje dhe u kanë thënë se kontrolli në banesë është bërë në shkelje me ligjin.

“Jam në detyrim paraqitje me Eltonin (Qynon) nuk kam arrest shtëpie. Thjesht në mëngjes herët na bastisen shtëpitë morën gjithë mjetet e punës, celularë, tablet, laptop, USB, hardisk, kaseta video gjithë, arshivën. Materiale të pa publikuar të SPAK, ku flitet për politikën dhe implikimin në zgjedhje. Pasdite na thirren na kërkuan ndjese dhe na thane qe bastisje ne banese është bere ne shkelje te ligjit dhe na kthyen mjetet e punës….

Pra, kontrolli i banesave ne mëngjes dhe sekuestrimi i provave u cilësua i paligjshëm pasdite prandaj na kthyen gjithë gjerat…”, deklaroi Artan Hoxha.

(BalkanWeb)