TIRANË

Kryedemokrati Lulzim Basha deklaron se 9 kushtet e Bundestagut janë udhërrëfyesi i daljes nga kriza dhe i afrimit të Shqipërisë me BE. Në një postim në “Facebook”, Basha citon eurodeputetin David McAllister, Kryetar i Komisionit të Jashtëm të Parlamentit Europian dhe Nënkryetar i Partisë Popullore Europiane i cili tha për Euraktiv se vendimi më i mirë për dy vendet nga BE për negociatat do të ishte drita jeshile për Maqedoninë e Veriut dhe dritë jeshile e kushtëzuar për Shqipërinë ashtu siç propozoi Bundestagu gjerman.


“Hapja e negociatave është interesi më i madh i Shqipërisë sepse do të sjellë një mbikëqyrje të shtuar nga BE për ndarjen e politikës nga krimi, zgjedhje të lira dhe të ndershme, barazi para ligjit dhe fund pandëshkueshmërisë.
Rruga e vetme përpara është përmbushja e kushteve të vendosura nga Bundestagu gjerman. 9 kushtet e Bundestagut janë udhërrëfyesi i daljes nga kriza dhe i afrimit të Shqipërisë me BE.
Mirënjohje familjes tonë politike Partisë Popullore Europiane për mbështetjen që i jep Shqipërisë dhe shqiptarëve”, shkruan Basha.


Basha Fb
Basha Fb

(BalkanWeb)


Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb