Në prag të zgjedhjeve presidenciale në Iran, nënat e disa protestuesve dhe disidentëve të vrarë vitet e fundit e kanë quajtur votimin e ardhshëm “një cirk” që iranianët duhet ta injorojnë dhe ta bojkotojnë. “Ne nuk do të ndalemi së kërkuari drejtësi derisa të kemi të drejtën tonë për të gjykuar dhe dënuar kriminelët që ekzekutuan dhe vranë pafajësisht fëmijët tanë”, thanë gratë në një deklaratë të përbashkët për mediat vendase.

Edhe disa organizata studentore dhe grupe për të drejtat e grave, kanë inkurajuar njerëzit që të mos votojnë të premten. Gjatë fundjavës, më shumë se 500 mësues, aktivistë të punës dhe figura të shquara kulturore në Iran, lëshuan një deklaratë të përbashkët, duke deklaruar publikisht vendimin e tyre për të mos marrë pjesë në zgjedhjet e ardhshme presidenciale.

Zgjedhjet e parakohshme presidenciale të Iranit të vitit 2024 u shpallën pas vdekjes së papritur të Ebrahim Raisi në një aksident me helikopter, muajin e kaluar.