Ish-presidenti Donald Trump tha të martën mbrëma se nëse ai merr Pensilvaninë, ai fiton “të gjithë garën”, ndërsa mori pjesë në një emision radiofonik në Filadelfia dhe vazhdonte t’i nxiste votuesit republikanë të qëndrojnë në radhët e votimit.

“Nëse marrim Pensilvaninë, ne fitojmë të gjithë garën,” tha Trump për Rich Zeoli Show në Talk Radio 1210 të Philadelphia.

“Ne do ta bëjmë këtë vend më të madh se kurrë më parë, por ju duhet të qëndroni në radhë. Mos lejoni që ata t’ju ngadalësojnë ritmin. Ju keni një të drejtë ligjore absolute dhe hidheni atë votë sepse nëse fitojmë Pensilvaninë, nëse fitojmë Commonwealth-in e vjetër, ne do të fitojmë të gjithë garën. Ne fitojmë gjithçka”, tha Trump.

Ai shtoi se “pyetja e madhe” është nëse ai mund të mbledhë më shumë mbështetje në Filadelfia, e cila ka qenë një bastion i demokratëve.