Donald Trump po përgatitet të kthehet në Shtëpinë e Bardhë pas rizgjedhjes së tij si president i Shteteve të Bashkuara. Qëllimi i deklaruar është ai i një tranzicioni “paqësor” brenda rregullave institucionale midis Bidenit dhe manjatit. Po çfarë ndodh tani?
Biden dhe Trump do të takohen. Presidenti në largim do të presë të mërkurën në Zyrën Ovale Presidentin e zgjedhur Donald Trump, i cili do ta pasojë atë më 20 janar në Shtëpinë e Bardhë. Takimi do të zhvillohet në orën 17:00 (11:00 Uashington). Një situatë shumë e ndryshme nga ajo e vitit 2020, kur Donald Trump refuzoi të njihte humbjen e tij dhe bojkotoi ceremoninë e inaugurimit të Joe Biden. Dhe mbi të gjitha, larg sulmit ndaj Kapitolit për të penguar certifikimin e fitores së demokratëve më 6 janar 2021.
Kur Administrata e Shërbimeve të Përgjithshme shpall një “fitues të dukshëm”, “Ekipi i Tranzicionit” hyn në lojë. Detyra e ekipit të tranzicionit është të ndihmojmë të sapo zgjedhurin të marri në “dorëzim” trashëgiminë e paraardhësit të tij.
Pasi shtetet të kenë certifikuar rezultatet, çdo bord qeveritar fillon procedurën për konstatimin e zgjedhësve që do të jenë të lidhur me listën e Trump. 11 dhjetori është data në të cilën shtetet duhet të kenë plotësuar listat.
Më 17 dhjetor, zgjedhësit e Kolegjit Zgjedhor votojnë për president dhe zv.President bazuar në rezultatin e votimit në shtetet e tyre individuale, duke u takuar në kryeqytetet e tyre përkatëse.
Ai duhet t’i japë certifikatat Kongresit deri më 3 janar. Më 3 janar 2025, në mesditë, do të mblidhen Dhomat e reja dhe Senati.
Më 6 janar, Kongresi mblidhet në një seancë të përbashkët për të numëruar dhe certifikuar votat elektorale. Numërimi bëhet me zë të lartë nga nënpresidentja në detyrë (në këtë rast Zëvendës Presidentja Kamala Harris), duke vepruar në cilësinë e saj si presidente e Senatit.
Të hënën, më 20 janar 2025, Presidenti dhe zv.Presidenti marrin detyrën duke bërë betimin në Bibël në Capitol Hill, në një ceremoni solemne të ndjekur nga dhjetëra mijëra njerëz të grumbulluar përgjatë Qendrës Kombëtare. Akti i betimit të presidentit të ri nënkupton kalimin ligjor të pushteteve, imuniteteve dhe përgjegjësive nga presidenca e vjetër në atë të re. Zakonisht ata që largohen nga Shtëpia e Bardhë marrin pjesë gjithmonë në ceremoninë e inaugurimit të pasuesit të tyre: i vetmi që nuk e bëri këtë ishte Donald Trump.
Kush është në ekipin e qeverisë së Trump?
Ndërkohë ekipi qeveritar duket se po merr formë. Susie Wiles, arkitektja e fushatës së Trump, do të jetë shefe e stafit të tij, një pozicion strategjik që nuk është mbajtur kurrë nga një grua. Pjesa tjetër pritet të shpallet në javët në vijim. Robert Kennedy Junior, nipi i presidentit të vrarë dhe ish-kandidati i pavarur i lidhur me Donald Trump, mund t’i besohet kujdesi shëndetësor.
Një tjetër figurë kyçe duhet të jetë miliarderi Elon Musk, i cili bëri fushatë shumë aktive për Trump. Ai pritet të drejtojë Komisionin e ri për Efikasitetin e Qeverisë. Ditët e fundit Musk mori pjesë edhe në thirrjen telefonike mes Volodymyr Zelensky me Donald Trump për fitoren e tij. Një shenjë që tregon se sa ndikues mund të jetë Musk në administratën e ardhshme.
Në Thesarin, ku tani është ulur ish-presidentja e Fed-it, Janet Yellen, mund të ulen Scott Bessent ose John Paulson. Bessent, një nga këshilltarët më të rëndësishëm ekonomikë të Trump, me të cilin ai ka një marrëdhënie shumë të ngushtë, është i preferuari.
